“ინსორსი” კვლავ აგრძელებს დასაქმების ბაზრის ანალიზს და გთვაზობთ 2015 წლის III კვარტლის 10 ყველაზე მოთხოვნად პროფესიას ინდუსტრიების მიხედვით.

სტატისტიკა IIკვარტლის მსგავსია და მოთხოვნა კვლავ მომსახურე/სერვის პერსონალზეა (მიმტანი, კონსულტანტი, დამლაგებელი და ა.შ.).  I და II კვარტლის მსგავსად, გაყიდვების მენეჯერი კვლავ ყველაზე მოთხოვნადი პროფესიაა მიმდინარე პერიოდშიც (12%). საცალო ქსელის კონსულტანტის პროფესია, მეორე ადგილზეა (7%). II კვარტალთან შედარებით შემცირებულია მოთხოვნა ისეთ პროფესიებზე, როგორიცაა ბუღალტერი, საკრედიტო მენეჯერი, მენეჯერი მომსახურების სფეროში, ექიმი და ოფის-მენეჯერი. გაზრდილია მოთხოვნა IT პროფესიონალებზე (57% დეველოპერები, ხოლო 37% IT სპეციალისტრები).

აღსანიშნავია, რომ გაზრდილია მოთხოვნა აკადემიურ პოზიციებზე სკოლებსა და უნივერსიტეტებში (4.1%), რაც სწავლის დაწყების პერიოდთან არის დაკავშირებული. გაზრდილია მოთხოვნა ასისტენტის პოზიციაზე სამედიცინო სფეროსა (ოჯახის ექიმის ასისტენტი, სტომატოლოგის ასისტენტი და სხვ.) და სადისტრიბუციო ქსელში (პრისელერის ასისტენტი, დისტრიბუტორის ასისტენტი).

გასული კვარტლების მსგავსად, დასაქმების ბაზარზე მოთხოვნას კვლავ საცალო ქსელი და მომსახურების სფერო ქმნის.

მოთხოვნად პროფესიებზე სტატისტიკური ინფორმაცია მიღებულია ვებ-გვერდებზე განთავსებული ვაკანსიებისა და ინსორსის მიერ მოძიებული ინფორმაციის დამუშავების საფუძველზე.