რა შეიძლება ვისწავლოთ უმუშევრობისგან?

ნებისმიერი მიზეზით და ნებისმიერი ვადით უმუშევრობა სტრესულია. როგორც ფსიქოლოგები ამბობენ, სამსახურის გარეშე დარჩენილი ადამიანის განწყობა მძიმეა არამარტო ფინანსური შემოსავლის დაკარგვის გამო, არამედ მიკუთვნებულობის დაკარგვის გამო. სტატუსი “უმუშევარი” რთულია აღსაქმელად,  რადგან ადამიანი არცერთ კომპანიასთან, არცერთ გუნდთან და არც ერთ პროფესიასთან აღარ ასოცირდება. “უმუშევრის” სტატუსი ოჯახშიც სტრესულია, მეგობრებთანაც და განსაკუთრებით საკუთარ თავთან, როდესაც ვიწყებთ ფიქრს, თუ რატომ ვართ ამ მდგომარეობაში და როგორ დავიბრუნოთ დასაქმებულის სტატუსი. ზოგადად,ჩვენი უმუშევრობის ახსნა გარშემომყოფებისათვის არც თუ ისე კომფორტულია, ძირითადად, საკუთარი თავის ნუგეშისცემის ელფერი აქვს და გარშემო მყოფებისგანაც გამამხნევებელ კომენტარებს ვისმენთ- “არაფერია, უკეთეს სამსახურს იშოვი”.  

უმუშევრობის მიზეზი ხშირად კომპანიის ინიციატივაა, თუმცა, 

საკუთარი ინიციატივით უმუშევრებსაც ხშირად მოკრავთ თვალს და მათი მოტივაცია საკმაოდ საინტერესოა - დრო დაუთმონ სწავლას და განვითარებას.  

ალბათ ძნელი დასაჯერებელია, მაგრამ უმუშევრობას ნამდვილად აქვს თავისი წილი “სიკეთეები” და ეს ძალიან ჰგავს საკუთარი ინიციატივით უმუშევრი ადამიანის მიზანს - ისწავლოს მეტი და განვითარდეს. თუ მე მკითხავენ, აქვს თუ არა უმუშევრობას პოზიტიური შედეგები, ყოყმანის გარეშე დავუდასტურებ, რომ აქვს და ეს შედეგები შემდეგია:

საკუთარი ცოდნისა თუ შესაძლებლობების გააზრება და შეფასება - როდესაც კომპანიის ინიციატივაა შეამციროს ადამიანური რესურსი, ცხადია სამუშაოს დატოვებს ის თანამშრომელი, რომელიც კომპანიას არ ან აღარ სჭირდება. სწორედ ესაა კარგი შესაძლებობა და პოზიტიური შედეგი, დავფიქრდეთ - რა ცოდნა გვაკლია, რა უნდა ვისწავლოთ რომ მომავალში დამსაქმებლებისთვის მუდმივად საინტერესო ვიყოთ.

შეცდომების გააზრება და მათი განადგურება - როდესაც უმუშევრობის მიზეზი ჩვენი უშუალო მენეჯერის გადაწყვეტილებაა და გადაწყვეტილების მიზეზი ჩვენი შედეგების დაბალი ხარისხია, ესეც კარგი შესაძლებლობაა დავფიქრდეთ, რაზე ვიღებდით შენიშვნებს, რაზე მიგვითითებდა მენეჯერი და ვიფიქროთ, დავგეგმოთ, ან მოვიკითხოთ რჩევა, როგორ უნდა ვაქციოთ ჩვენი შეცდომები შედეგებად მომავალ დამსაქმებელთან.

ურთიერთობისა და კომუნიკაციის უნარების გაუმჯობესება - როდესაც უმუშევობის მიზეზი ჩვენი მენეჯერის სუბიექტური გადაწყვეტილება გვგონია და აუცილებლად გვჯერა, რომ “მენეჯრს არ მოვწონდი”, ესეც კარგი შესაძლებლობაა დავფიქრდეთ რა არ გავითვალისწინეთ გუნდთან და მენეჯერთან ურთიერთობის დროს, როგორ მუშაობდა ჩვენი ყოფილი მენეჯერი იმ კოლეგებთან, რომლებიც ორგანიზაციაში დავტოვეთ, ჩვენი რა მესიჯი არ მოეწონა მენეჯერს, რომლის მოსმენისასაც ან შენიშნვა მოგვცა ან კომენტარის გარეშე დაგვტოვა

ძალიან მაღალი მოტივაცია და სურვილი, მივაღწიოთ უფრო მეტს - ვინაიდან უმუშევრობის სტრესი სტატუსის დაკარგვას უკავშირდება, სურვილი და ჟინი მოვძებნოთ უკეთესი სამსახური და ვიმუშაოთ უკეთესად, ძალიან მაღალია. დავუმტკიცოთ საკუთარ თავს რომ კვლავ საინტერესო ვართ დამსაქმებლისთვის და ისევ ბევრი შეგვიძლია ქვეცნობიერად სამსახურის ძიების ძირითადი მოტივაციაა. ვისაც უმუშევრობის გამოცდილება აქვს, დამეთანხმება რომ როგორც კი ვიპოვით სამსახურს, კმაყოფილების განცდა მაღალია და ნიშნის მოგებითაც კი გაგვიფიქრებია - “აი, თუ არ ვარ კარგი თანამშრომელი!”  

ახალი საქმის სწავლა - ვინაიდან სასურველი სამუშაოების არჩევანი არც თუ ისე დიდია და ფინანსური შემოსავლის არქონა კრიტიკულია, მაღალია ალბათობა, დავთანხმდეთ ისეთ სამუშაოს, რაც საჩვენოდ არ მიგვაჩნია, ან არ გვიფიქრია რომ შევძლებთ. ესეც შედეგია, ახალ საქმეს ვსწავლობთ, ახალ ინფორმაციას ვიღებთ და ცხადია, ეს კვლავ ჩვენს მომავალ განვითარებას დაეხმარება. ამას გარდა, შეიძლება აღმოვაჩინოთ, რომ ჩვენი პროფესია სულაც არ ყოფილა მენეჯერობა და უფრო მეტ კმაყოფილებას მოსწავლეებთან მუშაობა გვანიჭებს! 

როგორც ჩანს, უმუშევრობა მარტო სტატუსის გამო არ ყოფილა რთული - თურმე ბევრი გვაქვს სამუშაო. შეცდომების გააზრება, აღიარება და ჩვენი ქცევების ცვლილება მარტივი არ არის. ჩემი პირადი უმუშევრობის გამოცდილება ეს წუთია ამ სტატიით გაგიზიარეთ!

გისურვებთ არ მოგიწიოთ უმუშევრად ყოფნა! თუმცა, საინტერესო და თავშესაქცევი საქმე უმუშევრობას მე მაინც მოვუძებნე.

სათაური
გამოქვეყნების დრო
"ერთ კომპანიაში დამიბარეს გასაუბრებაზე"
25.08.2017
როცა პროფესიის შეცვლა გვინდა
16.06.2017
ალდაგის სოციალური რეკრუტინგი
19.12.2016
მე რომ რეკრუტერი ვიყო
12.12.2016
თუ გინდა, რომ განვითარდე
05.12.2016
ფინკა ბანკი - ადამიანური კაპიტალის მართვის თანამედროვე მიდგომები - სისტემები და ინოვაციები
05.08.2016
JTI - ხალხის მართვის 230 წლიანი ისტორია
06.06.2016
10 ყველაზე საინტერესო და კრეატიული სამუშაო ოფისი
17.04.2016
საუკეთესო ოფისი მსოფლიოში
05.01.2016
ინტელის ინტერვიუს შეკითხვები
23.12.2015
როგორ გადაახალისა Netflix-მა ადამიანური რესურსები
22.12.2015
კომპანიები გამორჩეული ბენეფიტებით
17.12.2015
ბალანსი „ჩვენ“-სა და „მე“-ს შორის: საუკეთესო სამუშაო სივრცე მარტოობასაც გულისხმობს
16.12.2015
ამაზონის ინტერვიუს შეკითხვები
14.12.2015
14 საუკეთესო რეკრუტმენტ ვიდეო
30.11.2015
რა არის პირველი ინტერვიუ?
18.11.2015
საუბარი რეკრუტერთან - “მე შევესაბამები თქვენს მოთხოვნებს”
09.11.2015
რეკრუტინგის 10 ყველაზე ინოვაციური კამპანია
09.11.2015
სოციალური ქსელის რეკრუტინგის აპლიკაციები
05.11.2015
დელოიტის ინოვაციური რეკრუტინგი სოციალური მედიის საშუალებით
29.10.2015
ჩაანაცვლებს თუ არა CV ს ვიზიუმე?
28.10.2015
რა არის თქვენთვის მისაღები ხელფასი?
26.10.2015
შეგიძლიათ თუ არა სტრესულ გარემოში მუშაობა?
21.10.2015
რა უნდა იცოდეს CEO-მ ადამიანური რესურსის მართვაში
19.10.2015
აბრაამის ბრალია
12.10.2015
CV და 6 წამი
09.10.2015
ახალი თანამშრომლის სირთულეები
05.10.2015
Don’t worry, be happy!
02.10.2015
"ერთი წელია ვეძებთ"
25.09.2015
რატომ წამოხვედით სამსახურიდან?
23.09.2015
„დამიწერე სტრატეგია“
18.09.2015
რატომ არის თანამშრომლის შეფასება რთული?
15.09.2015