როგორ ინარჩუნებს სწრაფის კვების კომპანია თანამშრომელთა გადინების აბსურდულად დაბალ მაჩვენებელს?

დღევანდელი ბიზნესი ტალანტების ომშია ჩართული. ვეძებთ და გვაინტერესებს, თუ როგორ არჩევს Google საუკეთესო თანამშრომლებს, გვინდა მოვისმინოთ მარკ ცუკრერბერგისგან ერთი რჩევა,როგორ დავიქირაოთ საუკეთესო კადრები. თუმცა, ჩვენ ვცხოვრობთ სამყაროში, სადაც ეკონომიკას მაინც ტრადიციული ბიზნესი ქმნის და არა გიგანტური ტექ კომპანია, ამიტომ კარგი იქნება, გავიზიაროთ რა არის ტრადიციული ბიზნესის გამოცდილება . მოდით ვნახოთ, თუ როგორ ახერხებს სწრაფი კვები ქსელი Pal’s Sudden Service ტალანტების შენარჩუნებას

Pal’s, ერთი შეხედვით, არაფრით გამორჩეული ბიზნესია. მას ტენესის შტატის ჩრდილოეთითა და ვირჯინიის სამხრეთ დასავლეთით 26 სწრაფი კვების ობიექტი აქვს. Pal’s-ში შეგიძლიათ მიირთვათ „ბურგერი“, „ჰოთ დოგი“, ქათმის „სენდვიჩი“, კარტოფილი „ფრი“ და „შეიკი“. ეს სტანდარტული სწრაფი კვების ობიექტის მენიუა, რომელის ხარისხი და გემო მომხმარებელში კარგი რეპურაციით სარგებლობს.

თუმცა Pal’s-ს სულაც არ არის სტანდარტული მიდგომების ბიზნესი, როგორც ეს ერთი შეხედვით ჩანს. პირველი, რაც მას სხვა სწრაფი კვების ობიექტებისგან გამოარჩევს, არის მისი ერთგულება სისწრაფისა და სიზუსტის მომართ. Pal’s-ის სერვისი ასე გამოიყურება: იგი არ სთავაზობს მომხმარებელს ადგილზე კვების სერვისს. მომხმარებელი მანქანით მიდის ფანჯარასთან, რესტორნის თანამშრომელს აძლევს შეკვეთას და გადადის მეორე ფანჯარასთან, სადაც თავის შეკვეთას იღებს. ეს ყველაფერი კი ძალიან სწრაფად ხდება - საშუალოდ 18 წამია საჭირო შეკვეთის მისაცემად, ხოლო საშუალოდ 12 წამი - მის მისაღებად. ცნობილია, რომ Pal’s-ის სერვისი აშშ-ს სწრაფი კვების ბიზნესში 4-ჯერ უფრო სწრაფია.

აღსანიშნავია, რომ Pal’s არა მხოლოდ სერვისის აბსურდული სისწრაფით, არამედ სიზუსტითაც გამორჩევა. წარმოგიდგენიათ, რამდენი ტიპის შეცდომის დაშვებაა შესაძლებელი მსგავსი სისწრაფით მომსახურებაში? თუმცა Pal’s -ის თანამშრომელი შეცდომას საშუალოდ 3600 შეკვეთაში ერთხელ უშვებს, რაც 10-ჯერ უფრო კარგი შედეგიასწრაფი კვების ობიექტის სიზუსტის საშუალო მაჩვენებელთან შედარებით. ამ შედეგის გამო Pal’s როგორც მომხმარებლის ერთგულებას, ისე მენეჯმენტის ექსპერტების ხმამაღალ აღიარებას იმსახურებს. 2001 წელს Pal’s იყო პირველი რესტორანი, რომელმაც ისეთ კომპანიებთან ერთად, როგორიცაა Cadilac, FedEx და Rotz-Carlton, Malcom Baldridge ის ხარისხის ჯილდო მოიგო.

Pal’s-ის საოცარი შედეგების საიდუმლო თანამშრომლებთან გამორჩეულ მიდგომაში მდგომარეობს, კერძოდ- განსხვავებულია დაქირავების, სწავლების და განვითარების როგორ მიდგომები. Pal’s-ის CEO ტომას ქროსბი ამბობს, რომ მისი თანამშრომლების მუშაობის ხარისხი ტრენინგებსა და უნარების განვითარებაში დახარჯული უამრავი საათის შედეგია.

რა შეგვიძლია ვისწავლოთ ჩვენ Pal’s-გან?

პირველი გაკვეთილი - საუკეთესო კომპანიები თანამშრომლებს ძირითადად მათი დამოკიდებულებების გამო ქირაობენ, ხოლო უნარებს შემდგომ უვითარებენ. Pal’s-ის 26 ფილიალში სულ 1020 თანამშრომელია დასაქმებული, რომელთაგან 90% ნახევარ განაკვეთზე მუშაობს, ხოლო 40% 16-დან 18 წლამდე ასაკისაა. Pal’s-მა თანამშრომლის დაქირავებისათვის შეიმუშავა 60 ქულიანი ფსიქომეტრული ტესტი, რომელიც ამოწმებს კანდიდატის თანხვედრას Pal’s-ის კორპორატიულ ღირებულებებთან. სწორედ ამ ტესტში მიღებული შედეგი განაპირობებს იმას, თუ რამდენად შეძლებს კანდიდატი აღნიშნული საქმის შესაბამისი ხარისხით შესრულებას. Pal’s -ს ესმის, რომ ხშირად ადამიანის პიროვნულ თვისებებს მეტი მნიშვნელობა აქვს, ვიდრე მის კარიერულ მიღწევებს, ანუ ვინ ხარ ხშირად უფრო მნიშვნელოვანია, ვიდერა რა იცი.

მეორე გაკვეთილი - ადამიანებს, მათ შორის დიდ ადამიანებსაც, სჭირდებათ შესაძლებლობების მუდმივი გაუმჯობესება. Pal’s თანამშრომლების მომზადებას და სასერთიფიკაციო ტრენინგებს დიდ დროს უთმობს და ამას ერთჯერადად არ აკეთებს. Pal’s-ის ახალდაქირავებული თანამშრომელი მუშაობის დაწყებამდე 120 საათიან მოსამზადებელ კურსს გადის. ამასთან, ყველა ტიპის სამუშაოსთვის შესრულების მზაობის დასტურად, მან სერთიფიკატი უნდა აიღოს. თუმცა ეს ყველაფერი არ არის. ყოველი სამუშაო დღის დასრულების შემდეგ, Pal’s რანდომულად ირჩევს რამდენიმე თანამშრომელს,ისინი გადიან ტესტირებას და იმ შემთხევაში თუ რომელიმე თანამშრომელი ჩაიჭრება, მათ ხელმეორედ უტარდებათ მათსავე საჭიროებაზე მორგებულ ტრენინგები.

მესამე გაკვეთილი - მენეჯერები სერიოზულად უნდა მიუდგნენ როგორც თანამშრომლის დაქირავების, ასევე მათი სწავლების პროცესს. Pal’s -ის ლიდერმა მენეჯერებისათვის 21 პროფესიულ წიგნს მოუყარა თავი, რომლებშიც მენეჯერული თუ პროფესიული უნარების განვითარებაზეა საუბარი. ყოველ ორშაბათს, კომპანიის ლიდერი ქროსბი სხვადასხვა ფილიალიდან 5 მენეჯერს იბარებს და მათთან ერთად რომელიმე წიგნს განიხილავს.

ამას გარდა, კომპანიაში ყველა მენეჯერის, მათ შორის ქროსბის მოვალეობაცაა, ყოველ დღე აარჩიოს ერთი თემა და ასწავლოს იგი სხვა თანამშრომელს. Pal’s-ში მენეჯერები თავისი დროის 10%-ს სწავლებას უთმობენ. ქროსბის აზრით, ყველა მენეჯერი მასწავლებელია, მიუხედავად იმისა, აანალიზებენ თუ არა ისინი ამას. ამიტომ, მან კომპანიაში ყოველდღიური სწავლების კულტურა ჩამოაყალიბა.

თუ დავაკვირდებით, როგორი ერთგულებითაც ეპყრობა კომპანიის მენეჯმენტი თანამშრომლებს, იმ ხარისხის ერთგულებით ემსახურებიან ისინი კლიენტებს. აღსანიშნავია, რომ Pal’s-ში 33 წლის განმავლობაში მხოლოდ 7-მა გენერალურმა მენეჯერმა (ფილიალის მმართველმა) დატოვა ნებაყოფლობით სამსახური. მენეჯერების ასისტენტებში გადინების მაჩვენებელი წლიურად 1,4%-ს შეადგენს. ეს ძალიან დაბალი მაჩვენებელია, მითუმეტეს იმ ინდუსტრიისთვის, სადაც თანამშრომლების გადინება ძალიან მაღალია! ასევე, „წინა ხაზში“ ანუ სერვისში მომუშავე თანამშრომლების გადინების მაჩვენებელიც ძალიან დაბალია, იგი ინდუსტრიის საშუალო მაჩვენებლის 1.3% შეადგენს.

Pal’s -ის მაგალითი კარგი გაკვეთილი შეიძლება იყოს სხვა ბიზნესებისთვის- მუდმივი სწავლა, გაუმჯობესებსაში მხარდაჭერა და რაც მთავარია, აზროვნების განვითრება , აღმოჩნდა, რომ გამორჩულ შედეგებს იძლევა