5 თვისება ტოქსიკური მენეჯერის ამოსაცნობად

კომპანიის ზრდისა და განვითარებისთვის სასიცოცხლოდ მნიშვნელოვანია ნებისმიერ დონეზე დასაქმებული მენეჯერი იყოს ლიდერი. მენეჯერის პიროვნული ლიდერული თვისებების ნაკლებობა კომპანიისთვის შეიძლება დამღუპველი აღმოჩნდეს. არასდროს დანიშნოთ ლიდერულ პოზიციაზე ადამიანი, რომელსაც არ აქვს ადამიანების მართვის, მათთან ურთიერთობის და სამუშოს კარგად შესრულების უნარი.

თუ გიჭირთ ამოიცნოთ ლიდერი და არ ხართ დარწმუნებული კონკრეტული თანამშრომელი მოირგებს თუ არა ლიდერის პოზიციას, გაგიზიარებთ 5 თვისებას, რომელსაც უნდა მიაქციოთ ყურადღება ამ მნიშვნელოვანი გადაწყვეტილების მიღებისას. მენეჯერი ტოქსიკურია თუ ის:

1. ანადგურებს გუნდის კრეატიულობას;

უფრთხილდით მენეჯერს, რომელიც გუნდისგან ითხოვს ინოვაციურობას და შემოქმედებითობას, თუმცა თავად უარყოფს ყველანაირ ახალ იდეას. ამგვარი მიდგომით მენეჯერი ანადგურებს შემოქმედებითი აზროვნების პროცესს.

გამოსავალი მარტივია, მენეჯერმა "ქვემოდან ზემოთ" სუბორდინაციული მიდგომა უნდა შეცვალოს "შემოქმედი ადამიანის" მიდგომით და მეტად დააფასოს ის თანამშრომლები, რომლებსაც უნდათ კომპანიაში მიმდინარე პროცესებში აქტიური წვლილის შეტანა.

2. არ აქვს პასუხისმგებლობის გრძნობა;

მენეჯერები, რომლებთაც აკლიათ პასუხისმგებლობის გრძნობა ხშირად კრიტიკულები არიან, უჭირთ საკუთარი შეცდომების აღიარება, არასდროს ცდებიან და ყოველთვის როდესაც რაღაც ზიანდება, ბრალს დებენ სხვა თანამშრომლებს (როგორც წესი მათ დაქვემდებარებულებს). ისინი არასდროს იღებენ პასუხისმგებლობას საკუთარ ქმედებებზე, დაინტერესებულნი არიან მხოლოდ თავიანთი რეპუტაციის შენარჩუნებით და გადარჩენით.

3. არ აინტერესებს სხვა ადამიანების პირადი ცხოვრება;

თანამშრომლებისთვის მნიშვნელოვანია მენეჯერი აფასებდეს მათ როგორც ინდივიდს, პიროვნებას, მათ მისწრაფებებსა და ინტერესებს. ტოქსიკური მენეჯერი განცალკევებულია მისი თანამშრომლებისგან, არ არის ჩართული მათ ცხოვრებაში, არ აყალიბებს პირად ურთიერთობებს და არ ზრუნავს მათზე. ამგვარი მენეჯერები თანამშრომლებთან ურთიერთობენ მეილების და ფორმალური შეხვედრების მეშვეობით.

4. მართავს შიშით;

მენეჯერების მიერ მათი თანამშრომლების თითოეული ქმედების მიკრომენეჯმენტი მართვის ერთ-ერთი ყველაზე გავრცელებული შეცდომაა. ამგვარი მიდგომით მენეჯერი გუნდში გაუაზრებლად ქმნის უსიამოვნო განწყობას და უნდობლობას, თანამშრომლებს არ ექნებათ უსაფრთხოების შეგრძნება ინფორმაციის, საკუთარი აზრის გასაზიარებლად ან ერთად მუშაობისთვის. სამწუხაროდ, ამგვარი მენეჯერები არ აძლევენ დასაქმებულებს ექსპერიმენტების, გაზრდის და შეცდომების დაშვების თავისუფლებას.

5. არ უსმენს თანამშრომლებს;

მენეჯერი, რომელიც არ უსმენს თანამშრომლებს - ტოქსიკურობის ყველაზე საყურადღებო ნიშანია. ასეთ მენეჯერს არ აქვს პატივისცემით მოსმენის და ორმხრივი კომუნიკაციის უნარი. კარგი ლიდერი ყოველთვის მზადაა მოუსმინოს თანამშრომლების იდეებს, აზრებს და გამოცდილებებს, მიიღოს კონსტრუქციული კრიტიკა მაშინაც კი, როდესაც არ ეთანხმება მას. ტოქსიკურ გარემოში, სადაც თანამშრომლები თავს დაფასებულად არ გრძნობენ, ასეთი ურთიერთობები არ ყალიბდება.