3 მიზეზი, თუ რატომ შეიძლება იქცეს გადაწყვეტილების მიღების ზედმეტი თავისუფლება ტოქსიკურად

ბევრი დასაქმებული უკმაყოფილოა მენეჯერების მხრიდან მიკრომენეჯემენტის გამო. Monster-ის მიერ ჩატარებული კვლევაში, გამოკითხული დასაქმებულების 73% უთითებს, რომ მიკრომენეჯმენტი დამსაქმებლის red flag-ია. 46%-მა კი აღიარებს, რომ სწორედ ამ მიზეზის გამო შეწყვიტა ურთიერთობა დამსაქმებელთან.

გადაწყვეტილების მიღების ზედმეტმა თავისუფლებამ შეიძლება უარყოფითი შედეგები მოიტანოს დასაქმებულებისთვის და კომპანიისთვის Forbes გვიზიარებს სამ მიზეზს, თუ როგორ შეიძლება მენეჯერისგან მინიჭებული ზედმეტი თავისუფლება ისეთივე პრობლემა გახდეს კომპანიაში, როგორც მიკრომენეჯმენტი:

1. მენეჯერი არ გამოხატავს ზრუნვას;

დამოუკიდებლად მუშაობის უნარი, ერთ-ერთი ყველაზე მოთხოვნადი უნარია კანდიდატში, რამდენადაც დამსაქმებელს სურს იპოვოს თანამშრომელი, რომელსაც მიანდობს დავალების დამოუკიდებლად შესრულებას. თუმცა, ამგვარი თავისუფლების მინიჭებით შეიძლება შემცირდეს გუნდური მუშაობა.

ზედმეტი თავისუფლების მინიჭება შეიძლება იმის მანიშნებელი იყოს, რომ მენეჯერი ნაკლებად არის დაინტერესებული საერთო მიზნების მიღწევით, ის მხოლოდ საკუთარ პროექტებზეა ფოკუსირებული და არ აქცევს ყურადღებას გუნდის წევრების მიზნებს და მიღწევებს. საუკეთესო მენეჯერი ის არის, ვინც აწესებს მუშაობის მაღალ სტანდარტს, თანამშრომლებს აძლევს გადაწყვეტილების მიღების თავისუფლებას და ეხმარება მათ კარიერულ განვითარებაში.

ტოქსიკურია უფროსი, რომელიც ნებისმიერი შეცდომის დაშვების შემთხვევაში, სრულად პასუხისმგებლობას საკუთარ გუნდის წევრს აკისრებს, რადგან თავიდანვე მისცა დამოუკიდებლად მუშაობის შესაძლებლობა. ამის ნაცვლად, შეეცადეთ იპოვოთ მენეჯერი, რომელსაც შეუძლია ბალანსის დაჭერა.

2. უკუკავშირის არარსებობა;

დასაქმებულების უმრავლესობა თანხმდება, რომ უკუკავშირის მიღება აუცილებელია. განსაკუთრებით მაშინ, როდესაც ახალ სამსახურს იწყებთ, მნიშვნელოვანია მენეჯერის უკუკავშირის შესაბამისად დაგეგმოთ და გააუმჯობესოთ თქვენი კორპორატიული ცხოვრება. უკუკავშირი შეიძლება მოხდეს პირისპირ შეხვედრისას, შესრულებული სამუშაოს შეფასების შეხვედრაზე, ყოველკვირეულ შეხვედრებზე და სხვა.

ადეკვატური უკუკავშირის მიუღებლობა შედეგად გამოიწვევს შეცდომების გამეორებას. მენეჯერებს კრიტიკული როლი უჭირავთ, მათი მთავარი ვალდებულებაა მართონ საკუთარი გუნდი, მიაწოდონ მათ დროული და კონსტრუქციული უკუკავშირი, ხელი შეუწყონ მათ კარიერული და პროფესიული ზრდის გზაზე. მენეჯერმა თავი არ უნდა აარიდოს უკუკავშირის მიცემას და პირიქით, დროულად ჩაერთოს საჭიროების შემთხვევაში ნებისმიერ პროცესში.

თუ თქვენი მენეჯერი მუდმივად უარს ამბობს უკუკავშირის მისაცემად დროის გამოყოფაზე, სცადეთ მასთან ამ პრობლემის მოგვარება საუბრით. წინააღმდეგ შემთხვევაში, მოგიწევთ რჩევების და საჭირო მხარდაჭერის სხვა ადამიანებისგან მიღება.

3. შესრულებული სამუშაოს შეუმჩნევლობა;

დიდი ალბათობით თქვენ მიერ შესრულებული საქმე უყურადღებოდ დარჩება, თუ მუშაობთ კომპანიაში, სადაც მენეჯერი განსაკუთრებულად დიდ თავისუფლებას განიჭებთ. უშუალო მენეჯერთან მუდმივი კომუნიკაციის გარეშე, კომპანიის მმართველი გუნდისთვის რთული იქნება თქვენი მიღწევებისთვის თვალის დევნება და შესაბამისად, მიღწევებისთვის დაჯილდოვებაც.

Deloitte-ის მიერ ჩატარებული კვლევის თანახმად, დასაქმებულების ჩართულობა, პროდუქტიულობა და მუშაობის ხარისხი 14%-ით უკეთესია იმ კომპანიებში, რომლებიც აღიარებენ და ხედავენ დასაქმებულების მიერ შესრულებულ საქმეს. მნიშვნელოვანია, იყოთ იმგვარ გარემოში, სადაც ხედავენ და აფასებენ თქვენს ძალისხმევას.

კარიერულ გზაზე წინსვლისთვის თქვენ აუცილებლად გჭირდებათ მენეჯერი, რომელიც რეკომენდაციას გაგიწევთ. თუ მენეჯერმა არ იცის (ან უბრალოდ არ აინტერესებს) რას აკეთებთ ან როგორ აკეთებთ, შეუძლებელია რეკომენდაცია გაგიწიოთ. ასეთ შემთხვევაში, მოგიწევთ მენეჯერული პოზიციის მქონე სხვა ადამიანების პოვნა, რომლებსაც შეეძლებათ თქვენი მენტორობა.

თავისუფლება აუცილებელია კრექტიულობის და ინოვაციურობის წასახალისებლად, თუმცა ასეთ დროს მნიშვნელოვანია განსაღვრული იყოს მოლოდინები და მენეჯერს და მის გუნდს შორის იყოს უწყვეტი კომუნიკაცია. წყარო - https://www.forbes.com/sites/shodewan/2024/04/17/3-reasons-why-too-much-freedom-from-your-manager-is-a-red-flag/?sh=624a38f2be21