Digital HRM-ის 9 ყველაზე გავრცელებული ტერმინი

SMAC, digital transformation, digital workplace და კიდევ რამდენიმე ტერმინს ხშირად შეხვდებით თუ ციფრული HRM დაინტერესდებით . გთავაზობთ იმ 9 ძირითად ტერმინს, რომელთა ცოდნა ადამიანური რესურსის ციფრული მართვის მეთოდის სრულად გამოსაყენებლად დაგჭირდებათ.

1. Digital HRM /ციფრული HRM

ახალი ტექნოლოგიებით HRM პროცესის ოპტიმიზაცია ბევრად უფრო ეფექტურია, რადგან ყველა პროცესის გაციფრულება და ავტომატიზება არის შესაძლებელი. წარმოიდგინეთ, რეკრუტინგის აპლიკაციები, სადაც პოზიციისთვის საჭირო უნარების ამოსაცნობად გაწერილია ალგორითმი. კანდიდატი კი, თამაშებითა და ვიდეო პრეზენტაციით ახდენს საკუთარი თავის წარმოჩენას. აპლიკაცია მიღებულ ინფორმაციაზე დაყრდნობით პირველად შერჩევას აკეთებს.

2. SMAC

ციფრული HRM ეფუძნება SMAC-ს, ეს არის სოციალურის (Social), მობილურის (mobile), ანალიტიკის (analytics) და ღრუბლოვანი ტექნოლოგიების (Cloud)-ის ერთობლიობა. ინფორმაცია დამუშავების შემდეგ ღრუბლოვან სერვერებზე ინახება და თანამშრომლებს შორის სასწავლო ან სხვა მიზნით გაზიარდება.

3. Digital Transformation/ ციფრული ტრანსფორმაცია

ტრადიცული HRM-დან ციფრულზე გადასვლის პროცესს ციფრული ტრანსფორმაცია ჰქვია, რაც შემდეგი ეტაპებისგან შედგება: აპლიკაციის შერჩევა, დანერგვა, გამოყენება და მისი წარმატების გაზომვა. სწორი ტრანსფორმაცია აიოლებს საქმეს, ზოგავს დროს და ადამიანურ რესურსს. ციფრული ტრანსფორმაციის კარგი მაგალითია ონბორდინგის აპლიკაცია, რომელიც ახალი თანამშომელს სხვების დახმარების გარეშე, აცნობს საკუთარ პოზიციას და კომპანიის ორგანიზაციულ კულტურას.

4. Digital workforce/ ციფრული სამუშაო ძალა

ციფრული ტექნოლოგიები ცვლის სამუშაო ძალას. დასაქმებულები იყენებენ უფრო მეტ ციფრულ პროდუქტს და შესაბამისად, ვითარდება მათი სამუშაო უნარები და სამუშაოს ხასიათიც. „გაციფრულებულ“ სამუშაო ძალას შეუძლია იმუშაოს ნებისმიერი წერტილიდან და გამოიყენოს მონაცემები ანალიზისთვის.

5. Agile HRM/მოქნილი HRM

ამ ტერნიმის გასააზრებლად საჭიროა ვიცოდეთ სიტყვა „Agile“-ს მნიშვნელობა. 2001 წელს ავტორთა გუნდმა შექმნა „Agile Manifesto” და მის მიხედვით:

· ხალხი და პროცესი პროცესსა და ინსტრუმენტებზე მნიშვნელოვანია. ამ მოსაზრებას ყველა პროფესიონალი HR მენეჯერი დაეთანხმება.

· ციფრული პროგრამა სჯობს უზარმაზარ დოკუმენტაციას. ეს ნიშნავს, რომ პრობლემის სწრაფი გადაწყვეტა ჯობია კარგად დოკუმენტირებულ, ამოუხსნელ ამოცანას.

· მომხმარებელთან თანამშრომლობა სჯობს კონტრაქტზე მოლაპარაკებას. მომხმარებელი არის პირველი და მისი დაკმაყოფილება ბიზნესის პრიორიტეტია. HR მენეჯერისთვის მომხმარებელი თანამშრომელია.

· ცვლილებებს აყოლა სჯობს გეგმის გაყოლას. სამყაროში, რომელიც ასე სწრაფად იცვლება, გეგმა ნაკლებად ღირებული ხდება. ტრადიციულ HRM-თან შედარებით, Agile HRM არის მომხმარებელზე ორიენტირებული, მისი მთავარი მიზანი არის თანამშრომლობის გზით მუდმივი სწავლა და განვითარება.

6. People Analytics

ბიზნეს პრობლემების გადაჭრის ერთ-ერთი გზა ანალიტიკის გამოყენებაა. People Analytics განსაკუთრებით რელევანტურია დიდი კომპანიებისთვის, სადაც 500-ზე მეტი ადამიანი მუშაობს. სხვადასხვა სახის ანალიტიკა სხვადასხვა მონაცემს გვაძლეს. მაგალითად, პროგნოზირებადი ანალიტიკით შესაძლებელია იმის განჭვრეტა, თუ ვინ დატოვებს კომპანიას, ვინ იქნება საუკეთესო დაქირავების შემთხვევაში და ვინ გახდება კარგი ლიდერი მომავალში.

7. Digital HRM Strategy / ციფრული HRM სტრატეგია

ციფრული HR სტრატეგია ბევრი დეპარტამენტისთვის ახალი, თუმცა ძალიან მნიშვნელოვანი რამ არის. SMAC ტექნოლოგიის გამოყენებით HR სტატაგიის გაციფრულება ხდება. სწორად შერჩეული პლატფორმით თუ აპლიკაციით, შესაძლებელია უკვე არსებულის ჩანაცვლება და რაც მთავარია, თანამშრომლებისთვის პროცესის გამარტივება.

8. 9. Real – time & On demand / რეალური დრო და საჭიროება

ბოლო რამდენიმე წელია ციფრული HRM-ის განუყოფელი ნაწილია შემდეგი ტერმინები: „რეალური დრო და მოთხოვნა/საჭიროება“. დაჩქარებულმა პროცესებმა საჭირო გახადა სწავლა რეალურ დროში. თანამშრომლებს არ უწევთ ლოდინი მომავალ ტრენინგამდე, მათ საჭიროების მიხედვით შეუძლიათ ცოდნის მიღება, ეს კი ზრდის მი ეფექტურობას. ასეთივე ეფექტი აქვს უკუკავშირის აპლიკაციებსაც, რომელთა ეფექტურობა მაღალია ინტერაქციის დასრულების შემდეგ. ანალიტიკა კი, რომელიც ეფუძნება pulse survey-ს რეალურ დროში ახდენს მონაცემის დამუშავებას და თავიდაინ ირიდებს პრობლემების ესკალაციას.